Mustafa sid Ahmed - مصطفى سيد أحمد - Best Sudanese Music

************ ياضلنا ***********
ياضلنا المرسوم علي رمـــــل المسافـــــة وشاكـــــــي من طول الطريق - قول للبنية الخايفة من نار الحروف وتحرق بويتات الفريق - قوليها ماتتخوفي دي النسمة بتجيب الأمل والأمل يصبح رفيق - والأصلو في الجوف إندفن لا بتنسي لا بنمحي لابنتهي منو الحريـــــــــــــــــــــق ياضلنا - والفينا من آهات اليمة وفي حكاوينا القديمة - لا بيرحل عن عيونا ولابتخشاه الهزيمة - والقبيل راجينو نحن يوم تبشر بيه غيمة - لما تمطر يوم علينا الفرح يملى المدينة والبلودات الحزينة -
ياضلنا
المرسوم علي رمـــــل المسافـــــة وشاكـــــــي من طول الطريق ******* شعر يحي فضل الله

هذه الهدية المتواضعة للاستاذ الراحل المقيم مصطفي سيد أحمد و لكل محبي الفن و الادب و الابداع
(from G.H.)

أرسل هدية الي فنانك المفضل و لكل معجبيه. ;-) find your favorite song and write a Gift - very easy ,just go to Contact and write "Gift"

وضاحه
الصباح الباهى لونك - وضاحه يافجر المشارق - غابة الابنوس عيونك - يبنيه من خبزالفنادق - غابة الابنوس عيونك - شيدتى فى جواى صوامع للفرح - وفتحتى فى دنياى مسارح للمرح - وبقيتى لى سكه وعيون - لاقدرت اطولك شان اجيك - لاقدرت من غيرك اكون - وانا بيك مالينى الكلام - حركت بيك عصب السكون - جلبت ليك الغيم رحط - طرزت ليك النيل زفاف - حرقت ليك الشوق بخور - فرشت ليك الريد لحاف - لا السكه بيك بتنتهى ولا معاك مليت طواف - ياريتنى لو بقدر اكونك - *******ياريتنــــــــــــــــــــــــــــى ****** ياريتنى لو بقدر اكونك - وضاحه يا فجرالمشارق - غابة الابنوس عيونك - يبنيه من خبز الفنادق - غابة الابنوس عيونك -

هردت لهاتي بالغنوات وقُتْ يبرد حشاك يا امي - ومن التعب البلا صالح تفيقي تروقي تنجمِّي - تسوي مكانسك المطرة تضوي البيت وتنحمي - تمرقي صبوحة للجيران قدح فوق ايد وفي ايد أَلمْي - يلاقوك شُفّع الكُتّاب نُضاف وظُراف بلا النّسْمي - ويغنولِك ... يغنّولِك غناوي السّابْ - وفي بيّوضة مافي سراب - جبال كَجَبي وفيافي الكاب ... تميد بالخضرة منقسمي - ولا غابار .. ولا هو سحاب .. وتنهجمي - من الدّهشة وتحاحيهُن ... غناكُن نيي ... غُنا الوهمي - ويهتفوا زي كلاب الحي .. على الأغراب - حوافي الصّي وبيوضة - البراسيم فيها مفروضة - حوافي الصّي وبيوضة - البراسيم فيها مفروضة - خدارا يراري شوف عيني على الأبوابْ - قماريها وحواريها وطواريها بقت روضة .. بقت تشرب من الحامدابْ - تشوفي رهاب - بقت تشرب من الحامداب - تشوفي رهاب بُعُد نجمي - واشوفو قريب قُرُب نضمي - بقت تشرب من الحامداب - تشربي عافيي من إيديّ ... تدوي اليوية بي حشمي - تسوّي السّي وتبتسمي - تشوفي رهاب بُعُد نجمي - واشوفو قريب قُرُب نضمي - اشوف العالم التحتاني - اشوف العالم التحتاني .. هيلا هوب وقف ناهضْ - دكّ عمايد الفوقاني ... جوه الُّجب رمى العارضْ - وفي السابو الدمار أفراق عريق الحب نبض قابضْ - متل قبض الحروف في اسمي - غناوينا القبيل رقراق علينا تصب برد قارضْ - واجر نمي - غناوينا القبيل رقراق علينا تصب برد قارضْ - أَلُكْ طيناتا من دمّي .. وارمِّلها من عصب عشاق .. - أنط تُلُّبْ واجيك عارضْ - واجر نمي - أدودي لهاتي بالغنوات ... عقب يبرد حشاك يا امي - تسوي السي وتبتسمي - تسمِّي الله وتعتصمي - بحبل القدره تتفرق ظلمةً فيها تتحرق .. صُرُمةً قالوا ليك قسمي - أدودي لهاتي بالغنوات عقب يبرد حشاك يا امي - تقلبي اللكني بي الكلمي - ضراعك يرمي ما يدمي - تقيفي بعيد عن الشمات تكوني اقرب لي من اسمي - واضمك بارتياح يا امي - أحبك صاح وصاح حلمي - ولاكي سعية للضباح ولا شمش الصباح حزمي - ولا كتف السلاح سواح ولا نزف الجراح ألمي - هيا انحزمي .. هيا انخلقي .. هيا انعتقي .. - متين مو دايرة ري تسقي - ولا في إيد النزيف نبقى ... ولا في إيد الخريف تبقي - ولا الفيضان يبضِّع بِكْ .... ولا في القيفة تنهدمي - ولا ان جات حاره تنهزمي - ولا يغشى الغلب قلبك ولا تشقي - ولا انت تخافي لا تدمي - ضراعك يرمي ما يدمي - فيا حزن البلد عوك كَرْ - ويا سعد الولد ضَرْ ضَرْ ... مع النسمي - ولي قيمة العمل عمي .. وافتحي ظلمتك للضي - وافتحي ظلمتك للضي - سِنِّي على النضال إيدي - سوِّكي بالهتاف فمي - شوارعك لي دويها علي - اذا ما اخر العلاج الكي ... مراويدك حمر صمي - مراويدك حمر يا امي - بليلتي ولا ضبايح طي - قليلتي ولا كُتُر سّمي - وطني ولا ملي بطني - سكاتي ولا الكلام الني - وطني ولا ملي بطني - سكاتي ولا الكلام الني - بليلتي ولا ضبايح طي - قليلتي ولا كُتُر سّمي - سلام يا امي .. سلام يا امي .. سلام لا هكمي لا دكمي - سلام يا امي .. سلام يا امي ....

هذه الهدية المتواضعة للاستاذ الراحل المقيم مصطفي سيد أحمد و كذالك الاستاذ الشاعر محمد الحسن سالم (حميد) و للشاب المبدع عمر خليل و لكل محبي الفن و الادب و الابداع ع ع ع ع ع ع ع. *رديت الروح يا عمر *
(from G.H.)

أرسل هدية الي فنانك المفضل و لكل معجبيه. ;-) find your favorite song and write a Gift - very easy ,just go to Contact and write "Gift"

حلوة عينيك
نفسى فى داخلك أعاين وأروى روحى وأشوف منابعك يا سلام الصحرا فى عينيا تتواثب جناين ماخدة صوتك من جداول وما خدة صورتك من كهارب مولداً ميدانو حافل كلما يصبـِّح ... تجيهو الناس جحافلْ يا سلام .... يا سلام ********** لمـّا تعبرى فى الشوارع شوفى كيف الناس تصارع ناس تطفـِّر .. وناس تدفـِّر فى البشابى على نجومك وفى البخبْ .. كايس تخومِك وكل زول من عِنْ سُلافك .. لا لا .. قال دايرلُو كاسْ ******** مرّة طربان .. شلت صوتك شان أغنى.. قلت آه ياليل .. وآه إنتى أول .. وإنتى تانى .. وإنتى تالت .. وإنتى رابع نافرة زى صيد الخلا وصافية زى نبع المنابع وقلتى لى غناى .. خلاص ******* حلوة عينيك زى صحابى عنيدة كيف ... تشبه شريحتين من شبابى حلوة عينيك زى صحابى وزى عِنب .. طوّل معتـّق فى الخوابى وسمحة زى ما تقول ضيوفاً .. دقـّوا بابى .. فرحى بيهم سال .. ملا .. حتى الكبابى – حلوة عينيك .. حلوة عينيك ... حلوة عينيك.... حلوة عينيك

هذه الهدية المتواضعة للاستاذ الراحل المقيم مصطفي سيد أحمد و لكل معجبيه و لكل محبي الفن و الادب و الابداع و د. الشاعر بشرى الفاضل
( from G.H.)

أرسل هدية الي فنانك المفضل و لكل معجبيه. ;-) find your favorite song and Write a Gift - very easy ,just go to Contact and write "Gift"

طلع البدر علينا
بكيت حتى انتهت الدموع - صليت حتى انطفات الشموع - ركعت حتى ملنى الركوع - سالت فيك عن محمد - طلع البدر علينا - من ثنيات الوداع وجب الشكر علينا - ما دعا لله داع - ايها المبعوث فينا جئت بالامر المطاع - جئت شرفت المدينة - مرحبا يا خير داع - *********** سالت فيك .. - عن محمد وعن يسوع - مهما هم تاخروا فانهم ياتون - من درب رام الله او من جبل الزيتون - ياتون فى الرياح والاشجار والغصون - ياتون - ياتون فى كلامنا - ياتون فى اصواتنا - من دموع امهاتنا - فى اعين الغاليين من امواتنا- لكنهم ياتون - ياتون مثل المن والسلوى من السماء - ومن دمى الاطفال من اساور النساء   يسكنون الصخر والاشجار والاشياء - من حزننا الكبير ينبتون - ومن شقوق الصخر يولدون - باقة انبياء ليست لهم هوية ليست لهم اسماء لكنهم ياتون - مهما هم تاخروا فانهم ياتون - من درب رام الله او من جبل الزيتون

اشعار محمود درويش + نذار قبانى